TIRANË– Ish kandidati për Primaret e Tiranës Ilir Alimehmeti ka marrë një post të rëndësishëm në Partinë Demokratike. Ai është zgjedhur drejtues i Departamentit të Shëndetësisë në PD. Alimehmeti mori besimin e të gjithë anëtarëve me votë unanime. Lajmin e ka bërë të ditur vetë mjeku në një postim në Facebook ku shkruan se zgjedhjen e sheh si thirrje për të punuar edhe më fort drejt hartimit dhe mbështetjes së alternativës qeverisëse shëndetësore lokale dhe qendrore.
POSTIMI:
Nderim dhe përgjegjësi, vlerësim dhe sfidë njëkohësisht ndjeva sot kur anëtarët e Departamentit të Shëndetësisë të Partisë Demokratike më votuan unanimisht në pozicionin e Drejtuesit. Besimin e dhënë përmes votës nga miqtë, kolegët dhe Profesorët e mi, është thirrje për të punuar edhe më fort drejt hartimit dhe mbështetjes së alternativës qeverisëse shëndetësore lokale dhe qendrore. Me pacientin në qendër dhe shëndetin në fokus çdo sfidë kthehet në objektiv për t’u tejkaluar me punë, mund, besim dhe pastërti.
