FIER– Një 49-vjeçar ka rënë në prangat e policisë së Fierit pasi dyshohet sw ka ndihmuar autorin e plagosjes së djeshme Altin Veizajn (Nila) të arratiset. Bejo Hoxhaj do të akuzohet për veprën penale “Përkrahja e autorit të krimit”.
Veizaj plagosi me armë zjarri 52-vjeçarin Dashamir Muçajn në qendër të Fierit. Ngjarja ndohi para parukerisë lu punonte bashkëshortja e të plagosurit. Muçaj ndishet ende në spital në kujdesin e bluzave të bardha ndërsa Veizaj në kërkim. Policia ka arritur të gjejë vetëm makinë e tij tip “Toyota” brenda sëcilës ishte dhe arma e krimit.
NJOFTIMI I POLICISË:
Ndihmoi autorin e plagosjes së ndodhur ditën e djeshme, të largohej nga vendi i ngjarjes, vihet në pranga 49-vjeçari. Vijon puna për kapjen e 52-vjeçarit që plagosi me armë zjarri një shtetas, në lagjen “11 janari”, Fier. Sekuestrohen automjeti me të cilin u largua autori, një armë zjarri pistoletë, një pistoletë paralizuese dhe municion luftarak. Në vijim të veprimeve për ngjarjen e ndodhur ditën e djeshme, në lagjen “11 janari”, ku mbeti i plagosur me armë zjarri shtetasi D. M., 50 vjeç, specialistët për Hetimin e Krimeve të Rënda të DVP Fier arrestuan në flagrancë shtetasin B. H., 49 vjeç, banues në Mallakastër, për veprën penale “Përkrahja e autorit të krimit”.
Nga hetimet ka rezultuar se ky shtetas ka ndihmuar autorin e ngjarjes, shtetasin A. N. alias M. V., 52 vjeç, të largohej nga vendi i ngjarjes. Në cilësinë e provës materiale u sekuestruan automjeti me të cilin është larguar autori, brenda të cilit u gjetën 1 armë zjarri pistoletë, 1 krehër, 12 fishekë dhe 1 pistoletë paralizuese. Vijon puna intensive për kapjen dhe ndalimin e 52-vjeçarit. Materialet i kaluan Prokurorisë, për veprime të mëtejshme procedurale.
