TIRANË– Kryeministri Edi Rama ka bërë të ditur ditën e sotme se të gjithë punonjësit e Policisë së Shtetit e kanë përfituar bonusin prej 20 mijë lekësh të ofruar nga “Pakoja e Madhe” e ndihmës e miratuar para Vitit të Ri nga qeveria. Në një postim në Fcebook Rama thotë se punonjësit, për të cilët para pak muajsh iu rritën pagat, e morën sipas premtimit edhe bonusin nga Pakoja e Madhe, si një mbështetje plus për të zeruar impaktin e inflacionit të luftës mbi familjet e tyre gjatë këtij dimri të vështirë.
POSTIMI I RAMËS:
Duke uruar ta kenë sa më të mbarë vitin që sapo ka nisur, punonjësit e Policisë së Shtetit, për të cilët para pak muajsh i rritëm pagat në mënyrë të konsiderueshme, e morën sipas premtimit edhe bonusin nga Pakoja e Madhe, si një mbështetje plus për të zeruar impaktin e inflacionit të luftës mbi familjet e tyre gjatë këtij dimri të vështirë.
