TIRANË– BBC duke filluar nga 21 janari do të prezantojë katër episede të rralla me bukuritë e vendit tonë në një cikël reportazhesh të titulluar “Mrekullitë e Shqipërisë”, ku do të flitet për kulturën tonë dhe turizmin. Ka qenë gazetarja Bettany Hughes ajo që ka udhëtuar në Shqipërinë malore, për të zbuluar, siç përshkruhet në faqen e BBC-së, një vend me qytete epike e kala, vende arkeologjike dhe një histori e kulturë të larmishme.
Kryeministri Edi Rama ka ndarë një pjesë të shkurtër nga spoti i BBC-së dhe shkruan se kjo ishte diçka e paimagjinueshme vite më parë, por ka ardhur vetëm si pasojë e investimeve që kanë bërë në turizëm.
POSTIMI I RAMËS:
MIRËMËNGJES dhe me kënaqësinë e veçantë të spotit publicitar të një prej emisioneve më të famshme në botë mbi thesaret e tokës, i cili ka një audiencë gjysëm miliardë shikues në vit, e më 21-22 janar shfaq “Mrekullitë e Shqipërisë” në kanalin BBC WORLD NEWS, diçka e paimagjinueshme deri kur Shqipëria Turistike nisi të marrë formën që po i japim vit pas viti, ju uroj një fundjavë të qetë.
