BRITANI– Një ngjarje e rëndë është regjistruar pasditën e sotme në Londër. Katër persona mes të cilëve dhe një vajzë 7-vjeçare kanë mbetur të plagosur pas të shtënave me armë jashtë një funerali në Phoenix Road, afër stacionit Euston. në veri të Londrës.
Sipas policisë tre gra, të moshës 48, 54 dhe 41 u dërguan në spital pas incidentit. Ndërkohë dhe vajza 7-vjeçare është nën kujdesin e mjekëve. Detektivët thanë se ngjarja ka ndodhur në afërsi të një kishe, ku po zhvillohej një varrim. Policia tha se të shtënat dyshohet se kanëardhur nga një automjet në lëvizje.
