BËRXULLË- Është përshkallëzuar protesta e banorëve të Bërxullës. Ata kanë dalë sërish në protestë ditën e sotme duke auzuar qeverinë për projektin ku firma e ndërtimit po kryen punime pa leje. Ditën e sotme ata protestuan sërish por situata precepitoi pasi disa prej tyre kanë kërcënuar se do të hidhen nga shtyllat e tensionit dhe do të vetëflijohen nëse nuk marrin një përgjigje nga institucionet.
Në shtyllë ka hipur një zonjë dhe kërcënon se do të hidhet. Policia ka mbërritur në vendin e ngjarjes. Banorët po bëjnë thirrje që zonja e cila ka hipur në shtyllën e tensionit të zbresë pasi rrezikon të bierë nga momenti në moment.
Ata protestojnë pasi pronat e tyre preken nga ndërtimi i autostradës Thumanë-Kashar. Ata prej muajsh tashmë kërkojnë përgjigje nga institucionet. Ata kërkojnë që pronat e tyre të dëmshpërblehen me çmim tregu. Dhe dirën e sotme ashtu si dhe në herët e tjera asnjë deputet i majtë apo i djathtë nuk ka shkuar pranë tyre. Të vetëm në këtë betejë ata paralajmërojnë se juk do të dorëzohen.
