TIRANË- Tërmeti i fuqishëm me magnitudë 4.7 që “shkundi” vendin mbrëmjen e djeshme ka lënë pas 12 shtëpi të dëmtura në Klos. Sipas përgjegjësit të emergjencave pranë Bashkisë Klos, Nerim Dema i kontaktuar me telefon nga korrespodenti i Top Channel, tha se deri tani janë 12 shtëpi të dëmtuara, ndërkohë grupi i emergjencave po vijon punën në terren për verifikimin në katër njësitë e Bashkisë Klos.
Tërmeti i fuqishëm me magnitudë 4.7 të shkallës Rihter, goditi mbrëmjen e së dielës Shqipërinë, rreth orës 22.45 minuta. Sipas Institutit të Gjeoshkencës epiqendra ka qenë 25 kilometra në verilindje, në zonën e Klosit, në Burrel. Deri më tani janë raportuar 12 banesa të dëmtuara dhe dëme të lehta në shtëpi në Njësinë Administrative Xibër, Bashkia Klos. Pas goditjes së fortë gjatë natës ka patur edhe pasgoditje të tjera.
