BULQIZË- Tërmeti i një nate më parë ka tronditur qytetarët dhe ka dëmtuar shtëpitë në Klos e Bulqizë. Kështu një pallat në Bulqizë që ka pasur shumë dëme që nga tërmeti i fortë i Nëntorit, është plasaritur edhe më shumë. Banorët shprehen për Abc News se kanë frikë të futen brenda shtëpive të tyre.
U trembëm sa të duash. Ishte shumë i fortë. Frikë kemi sepse nuk dihet. Ndoshta ka dhe goditje të tjera. Pallati është me probleme që në 2019,”thanë banorët të frikësuar.
“Ky pallat ka shumë dëmtime dhe plasaritje. Janë shtuar shumë”, shtoi një tjetër.
Tërmeti i fuqishëm me magnitudë 4.7 të shkallës Rihter, goditi mbrëmjen e së dielës Shqipërinë, rreth orës 22.45 minuta. Sipas Institutit të Gjeoshkencës epiqendra ka qenë 25 kilometra në verilindje, në zonën e Klosit, në Burrel. Deri më tani janë raportuar 12 banesa të dëmtuara dhe dëme të lehta në shtëpi në Njësinë Administrative Xibër, Bashkia Klos. Pas goditjes së fortë gjatë natës ka patur edhe pasgoditje të tjera.
