TIRANË– Kryetari i Partisë Demokratike Sali Berisha u ndal sërish ditën e sotme tek përjashtimi i katër deputetëve demokratë Oerd Bylyykbashi, Tritan Shehu, Agron Shehaj dhe Belind Këlliçi nga grupi parlamentar me firmën e Enkelejd Alibeajt. Duke folur në mbledhjen e grupit parlamentar kreu i selisë blu akuzoi Alibeajn si të shitur e të keqpërdorur nga kryemninistri Edi Rama. Sipas kryedemokratit Alibeaj e mori këtë vendim në një kohë ku jemi në kulmin e një skandali të gjysëm milionë eurove të vjedhura ku tre thasë me para ende mbeten “jetim” pasi askush si ka dalë për zot.
Sali Berisha: Në kulmin e skandaleve, Edi Rama dhe i keqpërdoruri i tij përjashtojnë 4 deputetë Të njëjtën gjë po bën Edi Rama me grupin parlamentar. Ai e sheh se kohërat i ka të numëruara. Ai e sheh se vjedhjet që bën çdo ditë, po i kthehen tani në një bumerang të tmerrshëm. Ai e sheh që nuk ka shpëtim nga një shtet ligjor, për një seri aferash, vjedhjesh të tmerrshme, nga ajo e djegësve, e Butrintit, e Portit të Durrësit, etj. Ai ka të vetmen shpresë të mbajë me çdo kushtet pushtetin. Prandaj shërbehet nga të njëjtit njerëz. Njerëz të zhveshur nga çdo lloj dinjiteti njerëzor, integriteti njerëzor. Papritmas, në kulmin e skandalit të gjysmë milionë eurove të vjedhura- tregojnë se kur një shefe kabineti mbante në tubat e aspirimit gjysmë milionë euro, imagjinonin sa kanë në kontot bankare, Edi Rama, Olsi Rama, Arben Ahmetaj, etj, tre thasë me euro mbeten jetimë. Në këtë kulm skandali të pashembullt, në kulmin e skandalit të kryetarit të bashkisë që kapet si kurrë ndonjëherë më parë, që bashkia bën tender për të vjedhur paratë e taksapaguesve, ndërton rrugën me buldozerët e vet, ndërkohë hap tenderin që të shpallë fitues kompaninë e vet. Se rruga po ndërtohej. Po sa? 400 e sa mijë euro. Dhe bën fiktivisht sikur po anulon tenderin, i kapur në mënyrën më flagrante, kryetar bashkie që shpall tendera për të vjedhur veten, siç bëri dasmën e vet. Këta nuk fitojnë, qytetarët nuk i votojnë këta. Këta e kanë kuptuar, e ndjejnë që janë të përfunduar ndaj edhe bëjnë gjithçka. Në kulmin e këtij skandali, i keqpërdoruri i tij shpall se ka përjashtuar 4 deputetë nga grupi. I bën Edi Rama, se Edi Rama i di këto. Përveç Koresë së Veriut, nuk mund të gjesh parlament në botë, që të dalë një i vetëshpallur kryetar grupi dhe të përjashtojë katër deputetë nga grupi pa asnjë bazë, rregullorja nuk e përjashton këtë. Kjo ndodh nga Edi Rama, se si të ngushtojë në maksimum hapësirën parlamentare të PD, se si t’i lërë jashtë komisioneve, se si tu lërë atyre dy minuta kohë për diskutim. Ky është një akt i padëgjuar ndonjëherë në histori. Është prapë Edi Rama. Ka prej jush që thonë Alibasha. Jo, ata janë lëvozhga njerëzore, nuk janë as njerëz. Nuk kemi pse merremi me ta. Është Edi Rama, sepse në çdo vend, po të mos ishte Edi Rama, kryetari i parlamentit do i thoshte se nuk përdoren metoda staliniste në parlament.
