DURRËS– Gjykata e Apelit në Durrës ka ndryshuar masën e sigurisë për ish-zëvendës drejtorët e policisë, Albert Nushi dhe Nikollaq Palla. Të dy ish-zyrtarët e lartë të Policisë së Shtetit kanë qenë të pranishëm në vendin e ngjarjes ku mbeti i vrarë Pjerin Xhuvani. Ata u filmuan nga kamerat duke ikur me vrap pas nisje s së të shtënave. Apeli i Dyurrësit ka vendosur zbutjen e masës së sigurisë, nga “arrest shtëpie” në “detyrim paraqitjeje”.
Nushi ka qenë nëndrejtor i Policisë së Elbasanit në kohën që u vra Pjerin Xhuvani. Asokohe nëndrejtorit të policisë Nikollaq Palla i është vënë arma në kokë pas vrasjes së Pjerin Xhuvanit dhe sërish asnjë nuk ka reaguar. Për më tepër që në dëshminë e tij Nikollaq Palla nuk e ka treguar këtë fakt dhe ndaj akuzohet për deklarim të rremë dhe shpërdorim detyre. Albert Nushi bashkë me nëndrejtorin Nikollaq Papa u lanë në arrest shtëpi, ndërsa gjashtë efektivë të forcave “Shqiponja” janë pezulluar nga detyra. Ata janë Dedjon Duraku, Pëllumb Bicaku, Erjon Balla, Erjon Meçja dhe Besmir Kadiu. Pjerin Xhuvani u vra më 21 prill 2021. Në pranga për këtë krim është vënë Arbër Paplekaj që ishte pjesë e SMV-së. Të plagosur në këtë ngjarje mbetën edhe katër persona të tjerë, Emiljan Prenga, Pavlo Vuksani, Eltjon Bodinaku dhe Xhensila Sota (punonjëse e policisë).
Më 21 prill 2021, 4 ditë para zgjedhjeve parlamentare të 25 prillit, në Elbasan u vra Pjerin Xhuvani, përkrahës i Partisë Socialiste. Paplekaj ishte pjesë e një “SMV”, strukture për Mbrojtjen e Votës e ngritur në Elbasan nga PD. Pas një sherri verbal pasi SMV dyshonte se Xhuvani ishte pjesë e një grupi që blinin vota, ndodhi vrasja ku mbeti i pajetë Xhuvani dhe u plagosën 4 persona të tjerë.
