VLORË– Një aksident është regjistruar në orët e para të mëngjesit të sotëm në Vlorë. Raportohet se një 40-vjeçar identiteti i të cilit nuk është bërë i ditur ka shkaktuar një aksident të pazakontë pasi ka qenë në gjendje të dehur.
Kështu mjeti tip “Benz C Class” që drejtohej nga 40-vjeçari ka dalë nga rruga duke përplasur një furgon “Iveco” të parkuar si dhe një tjetër mjet “Benz B Class”. Fatmirësisht ai ka marrë vetëm disa dëmtime të vogla si pasojë e përplasjes. Ai është shoqëruar në polici ku po merreet ne pyetje në lidhje me ngjarjen.
