TIRANË– Autoriteti Rrugor Shqiptar ka dalë me një njoftim të rëndësishëm për të gjithë drejtuesit e mjeteve në lidhje me situatën e rënduar nga moti i keq që ka përfshirë vendin prej mbrëmjes së djeshme. Në një postim në Facebook ARRSH bën me dije se reshjet e dendura të dëbores kanë bllokuar rrugë Bogë-Theth duke krijuar vështirësi në qarkullimin e mjeteve. Ndërkohë ARRSH bën apel ndaj shoferëve që të bëjnë kujdes, të mos udhëtojnë me shpejtësi dhe të pajisen me goma dimërore dhe zinxhirë.
NJOFTIMI:
Gjatë natës dhe në orët e para të mëngjesit ka pasur reshje shiu në të gjithë vendin Në Bogë-Theth ka pasur reshje dëbore, në Qafë Thore reshjet kanë qenë me intensitet Kontraktorët me mjete e punëtorë kanë qenë në terren gjatë gjithë natës për të mbajtur qarkullimin në normalitet Tregoni kujdes të shtuar gjatë drejtimit të mjetit në kohë me reshje, pajisuni me goma dimërore dhe zinxhirë kur udhëtoni për në zonat malore, ulni shpejtësinë, respektoni sinjalistikën dhe udhëzimet e Policisë Rrugore.
