DURRËS-Moti i keq që ka përfshirë vendin tonë prej mbrëmjes së djeshme ka detyruar kapitenerinë e portit të Durrësit që të paralajmërojë mjetet lundruese, anijet e tonazhit të ulët dhe të gjitha mjetet e sektorit të peshkimit që të pezullojnë lundrimin. Kjo pasi dallgët kanë arritur deri në 6 ballë duke kërcënuar serizisht anijet e vogla dhe jo vetëm.
Ndërkohë nuk ka njoftim për shtyrje të orarit të nisjes së trageteve nga porti i Durrësit drejt Barit dhe anasjelltas. Mësohet se, një anije cisternë për shkaqe sigurie nuk mund të hyjë në port dhe po qëndron në radë, pas Kepit të Palit, në pritje të qetësimit të erës që fryn nga jugu.
