TEPELENË– Është zbardhur ngjarja e ndodhur një natë më parë në Tepelenë ku mësuesi i fiskulturës Kleanthi Laçi u dhunua barbarisht nga tre persona. Raportohet se dhunuesi është vëllai i një nxënësje. Ai është vetëdorëzuar në polici ku ka deklaruar se e ka kryer aktin e rëndë pasi mësuesi i kishte ngacmuar seksualisht motrën e mitur 13 vjeçe.
Alvi Gumeni, është rikthyer nga emigrimi sapo e motra i ka treguar historinë. Në dëshminë e dhënë para uniformave blu ai ka thënë se mësuesi e kishte ngacmuar disa herë seksualisht motrën. Edhe 13-vjeçarja e cila pretendon se është ngacmuar seksualisht, është marrë në pyetje nga oficerët e policisë gjyqësore në prezencë të psikologes.
