DIBËR– Procesi i Primareve i Partisë Demokratike për bashkinë e Dibrës do të përsëritet. Procesi do të zhvillohet më 21 janar të këtij viti dhe në garë do të jenë po të njëjtët kandidatë, të cilët morën pjesë në votimin e 4 dhjetorit. Konkretisht: Ismail Uka dhe Besnik Alku.
Sipas të dhënave të deritanishme, për administrimin e procesit të ri zgjedhor, dega e Partisë Demokratike në Dibër do të miratojë një Komision të ri të Votimit dhe Numërimit. Por në përbërje të Komisionit, në përbërje të tij, për shkak të problematikave të kotatuara të mos marrin pjesë anëtarët që kanë administruar procesin e mëparshëm.
Në primaret e zhvilluara më 4 dhjetor Ismail Uka ka fituar balotazhin në Bashkinë Dibër me vetëm 1 votë diferencë nga Besnik Alku. Alku mori 565 vota ndërsa Uka mori 566 vota në procesin e Primareve. Por, Alku nuk e pranoi rezultatin pasi u numëruan 2 herë votat. Nga rinumërimi i votave, herën e parë dolën barazim ndërsa në të dytën Alku rezultoi me 1 votë më pak.
