TEPELENË– Mësuesi i Fiskulturës Kleanthi Laçi, i cili u dhunia barbarisht nga vëllai i një nxënëseje dy ditë më parë është arrestuar ditën e sotme nga policia. Ai akuzohet se ka ngacmuar seksualisht dy nxënëse të mitura. Në një njoftim zyrtar policia bën me dije se ka arrestuar mësuesin dhe njërin nga bashkëpunëtorët e 29-vjeçarit Alvi Gumeni.
Alvi Gumeni ishte kthyer nga emigrimi oasi e motra i kishte thënë se mësuesi e ka ngacmuar dhe ai duhet të vinte ta ndihmonte. Dhe kështu ndodhi ai u kthye nga emigrimi dy ditë më parë dhe organizoi planin. Së bashkë me dy miq të tij, njëri prej tyre vëllai i njëres prej nxënësve të ngacmuara seksualisht e kanë ftuar mësuesin në makinë e më pas e kanë dhunua barbarisht duke marrë dëmtime të forta në kokë e fytyrë.
NJOFTIMI I POLICISË:
Specialistët e Seksionit për Hetimin e Krimeve të Komisariatit të Policisë Tepelenë, në përfundim të veprimeve hetimore të kryera nën drejtimin e Prokurorisë pranë Gjykatës së Rrethit Gjyqësor Gjirokastër, për ngjarjen e ndodhur në datën 16.01.2023, në vendin e quajtur “Zona industriale”, Tepelenë, ku disa shtetas kanë goditur me mjete të forta shtetasin K. L., 59 vjeç, banues në Tepelenë (mësues), kanë ndaluar njërin prej autorëve të dyshuar, shtetasin: A. G., 29 vjeç, banues në Tepelenë, për veprat penale “Plagosja e lehtë me dashje”, kryer në bashkëpunim dhe “Vetëgjyqësia”.
Vijon puna intensive për identifikimin, kapjen dhe vënien përpara përgjegjësisë ligjore të bashkëpunëtorëve të tij. Gjithashtu, në vijim të veprimeve hetimore, nga specialistët e Seksionit për Hetimin e Krimeve në Komisariatin e Policisë Tepelenë u bë ndalimi i shtetasit të dëmtuar K. L., 59 vjeç, për veprat penale “Ngacmimi seksual” dhe “Kallëzimi i rremë”. Ndalimi i këtij shtetasi u bë pasi nga kallëzimet e marra në lidhje me këtë rast, dyshohet se ai ka ngacmuar seksualisht 2 shtetase të mitura. Materialet procedurale i kaluan Prokurorisë pranë Gjykatës së Rrethit Gjyqësor Gjirokastër, për veprime të mëtejshme.
