TIRANË– Është zhvilluar me debate dhe diskutime të shumta mbledhja e sotme e Komisionit të Ligjeve. Tërmeti i rënë tre ditë më parë me epiqendër në Klos ku ka shkaktuar dhe dëme të konsiderueshme në këtë bashki por dhe në Bulqizë ka bërë që deputetët e opozitës dhe mazhorancës të rrisin tonet dhe të “përplasen” me njëri-tjetrin. Deputetja demokrate e qarkut Dibër Dhurata Çupi ka ngritur shqetësimin për banorët e prekur nga tërmeti, duke kërkuar që të jepen të dhëna për stuatën e tyre. Përgjigjen deputetja demokrate e mori nga përfaqësuesit e ministrisë së Financave dhe deputetja e Partisë Socialiste Aurora Mara. Kjo e fundit tha se ekipet se grupi i punës ndodhet në terren dhe po punojnë të me gjithë banorët që kanë hasur probleme. Ndërsa përfaqësuesit e ministrisë së Financave u shprehen se është një fond prej mbi 4 miliardë lekë për këto raste.
DEBATI:
Dhurata Çupi: Këtu në komisionin e ligjeve mbrojmë interesat e atyre që na kanë votuar. Dy deputetë jemi që përfaqësojmë Dibrën. Qarku Dibër ka katër ditë i goditur nga tërmeti. Vetëm dy ditët e fundit kanë rënë rreth 200 tërmete në Klos e Bulqizë. Janë shkatërruar me 10-tra shtëpi, shtuar këtu dhe shtëpitë e dëmtuara apo shkatërruara në 2019-ën. Një pallat i shkatërruar në Bulqizë, komplet I shkatërruar ka mbetur aty dhe pa asnjë lëvizje për të ndërhyrë. Zona me mot të ashpër dhe banorët janë jashtë shtëpive. Çfarë masash janë marrë për zonën në fjalë? Ne s’mund ta kalojmë në këtë formë situatën. Diskutim që s’duhet të nda ndajë politikisht, kemi të njëjtin interes. Sot duhet të ngremë zërin për një çështje shumë jetike, për një çështje shumë të prekshme këtë vit. Në Bulqizë të paktën në tërmetin e fundit kanë mbetur shumë persona jashtë banesave. Ministria e Financave të na japi një informacion të detajuar se çfarë po bëhet për banorët atje?
Klotilda Bushka: Ministria e Financave nuk është autoriteti përgjegjës për këtë çështje. Mund të diskutohet, edhe pse nuk është çështje në rendin e ditës. Unë kam komunikuar me deputet e zonës së Dibrës të PS. Zv kryeministrja Balluku më bëri me dije se grupet e emergjencës kanë qenë në gatishmëri. Është dhënë urdhër për të bërë vlerësimin e dëmeve. E kuptoj sensibilitetin tuaj. Kjo çështje na bashkon.
Dhurata Çupi: Sa është buxheti për ato zona sot? Është e padenjë kjo që bëni? Merrni mikrofonin e përgjigjeni për ministrinë e Financave.
Klotilda Bushka: Jo nuk bëhet kështu si bëhet ju, kam informacion më të gjerë se ju dhe po ja u jap dhe juve dhe publikut
Dhurata Çupi: Po çfarë është kjo, ju sillni këtu informacione që keni komunikuar në telefon.
Klotilda Bushka: Informacioni i saktë nga ministria e mbrojtjes dhe ajo e infrastrukturës përgjigjet. Ministria e Ekonomisë merret në momentin e dytë.
Aurora Mara: E vlerësoi ndjeshmërinë e zonjës Çupi. Jemi të gjithë sensitivë kundrejt këtij fenomeni. Janë mbledhur shtabi emergjencës civile, zv kryeministrja në terren, grupi I punës në terren, familjet u evakuuan nga shtëpiat me rrezikshmëri. Unë non stop në kontakt, grupet non stop në terren.
Ministria e Financave: Fondi prej mbi 4 miliardë lekë, që detajohet sipas rastit.
