TIRANË-Kryetari i Kontrollit të Lartë të Shtetit (KLSH) Arben Shehu ka zhvilluar ditën e sotme një takim me kreun e zgjedhur të Strukturës së Posaçme Kundër Korruopsionit dhe Krimit të Organizur (SPAK) Altin Dumani. Mësohet se Shehu ka uruar Dumanin për zgjedhjet në krye të Prokurorisë së Posaçme.
Raportohet se të dy drejtuesit e lartë shprehën vullnetin e tyre për intensifikimin e mëtejshëm të marrëdhënieve të ndërsjella institucionale si dhe të rritjes së komunikimit të vazhdueshëm në identifikimin dhe përcjelljen e rasteve të korrupsionit dhe abuzimeve me qëllim parandalimin në kohë të këtyre fenomeneve. Po ashtu në takimin mes tyre është diskutuar mbi ndërveprimin institucional edhe gjatë procesit të auditimit nëpërmjet shkëmbimit të informacioneve apo praktikave të konsideruara në shkelje të ligjit.
