LEZHË– Moti i keq që ka përfshirë vendin prej tre ditësh ka shkaktuar probleme të shumta në qarkun e Lezhës ku ka përbytur rrugë e toka bujqësore. Banorët shprehen të shqetësuar në lidhje me situatën dhe nga ajo që mund të vijë në orët në vijim. Sipas tyre asnjë nga drejtuesit r bashkisë nuk ka shkuar tek ata.
Përveç gazetarëve nuk ka ardhur asnjë njeri, as kryeplaku, as administratori, as kryetari i bashkisë, as policia. Këtu duhet të ishin hapur kanalet. Janë mjetet kanë një javë në kokë të kanalit dhe nuk është hapur asnjëri. Po nuk u hap gryka e kanalit, vetëm mjete private kanë ardhur duke punuar. Janë bllokuar disa mjete. Ka të paktën 10 vite që nuk janë hapur kanalet”, tha një banor.
“Është bllokuar aksi komplet. Nga Laçi në Lezhë ka shumë lëvizje kjo rrugë. Ka që në mëngjes që është bllokuar dhe nuk ka ardhur askush. Janë 20 kamiona që janë bllokuar. 10 makina kemi nxjerrë, 1 tjetër është deri në timon e mbuluar me ujë. Kjo situatë përsëritet shumë shpesh. I kemi telefonuar dhe s’ka ardhur askush”, tha një drejtues mjeti.
