KORÇË– Moti i keq me stuhi ere dhe reshje të dendura shiu ka përfshirë Korçën ditën e sotme. Raportohet se për shkak të erës së fortë një çati prej llamarine e një magazine me produke ushqimore është rrëzuar duke dëmtuar pesë makina të parkuara aty pranë. Nuk ka dëme në njerëz për vetëm materiale. Policia ndodhet në vendin e ngjarjes dhe po punon për zbardhjen e plotë të saj.
NJOFTIMI I POLICISË:
Korçë/Informacion paraprak Mesditën e sotme, në lagjen nr. 8, për shkak të erës së fortë, është rrëzuar çatia prej llamarine e një objekti (magazinë produktesh ushqimore). Për pasojë, janë dëmtuar 5 automjete të parkuara në afërsi të këtij objekti, ndërsa nuk ka dëme në njerëz. Grupi hetimor vijon punën për sqarimin e rrethanave të ngjarjes.
