ZVICËR– Kryeministri Edi Rama prej tre ditësh ndodhet në Zvicër ku po merr pjesë në Samitin e Davosit ku është takuar me liderë të ndryshëm të vendeve të Bashkimit Europian dhe jo vetëm. Në një postim në rrjetet sociale kreu i qeverisë ka ndarë foto nga këto takime. Gjatë fjalës së tij Rama tregoi se si Shqipëria u vendos në shënjestrën e të tilla sulmeve gjatë vitit të shkuar.
Edi Rama: Bëmë më shumë vëmendjen në çdo hap, një hetim të tërësishëm të ndihmuar nga Microsoft, ekipi i FBI dhe ekspertë të tjerë para se të dilnim me këtë akuzë të bazuar në fakte, dhe ende jemi të sulmuar, praktikisht ditë pas dite. Bekimi i teknologjisë na ktheu të shohim anën tjetër që është mallkimi i teknologjisë. Edhe pse nuk kemi një siguri kibernetike të fjalës së fundit, arritëm që të shmangnim zhdukjen tërësore të sistemeve që kishim dhe praktikisht shmangëm humbjen e të dhënave, çka ishte synimi i sulmit.
