TIRANË– Kryetari i Partisë Demokratike Sali Berisha ka deklaruar se forca politike që ai drejton nuk do ti bojkotojë zgjedhjet vendore të 14 majit. Duke folur në studion e “Syri Tv” kryedemokrati tha se Gjykata e mban peng me urdhër të kryeministrit Rama vendimin për ti dhënë fund legjitimitetit në PD. Berisha u shpreh se PD nuk mund të ndjekë rrugën e 6 marsit për tu futur në zgjedhje me logo tjetër pasi ky do të ishte dhe asgjesimi i saj.
Pyetje: Nëse vula i kalon Alibeajt, do kandidoni me PL?
Sali Berisha: Ne nuk do shuhemi por do ngrihemi me gjithë forcën në një revolucion që se ka parë Shqipëria ndonjëherë për të mbrojtur pluralizimin në Shqipëri. Nuk ka diskutim. Këtu nëse pluralizimi politik, nëse fati i një demokracie përcaktohet nga një urdhër ekzekutiv, këtu është fund i çdo gjëje.
Pyetje: Pra nuk do ndiqni rrugën e ‘6 marsit’?
Sali Berisha: Kategorikisht jo, në mënyrë absolute. Sepse kjo nuk është gjë tjetër vetëm asgjesimi i forcës poltike dhe i pluralizmit. Ky është dorëzimi i zgjedhjeve. Ne do bëjmë një betejë jetë ose vdekje të forcës tonë politike sepse kemi gjithçka të drejtë. Do të marrim pjesë në zgjedhje ne. Do kemi protesta dhe revoltim të paparë ndonjëherë. Nuk po më zbatohet vendimi i Gjykatës mua, unë prandaj po veproj. Në botë nuk ka forcë që mund të pengojë regjistrimin. Unë dua zbatimin e vendimit që nuk e regjistron kancelari. Ne nuk do merremi me të. Nuk kishte vendim para zgjedhjeve për të mos marrë pjesë me koalicion. Vendimi u dha pas 90 ditës më 25 mars. Ky vendim nuk regjistrohet. Nuk e regjistron Edi Rama. I lejon vetes që të urrejë forcën kryesore politike të opozitës.
