LEZHË– Bashkia e Lezhës është një nga bashkitë më të prekura nga moti i keq që ka përfshirë vendin prej tre ditësh. Kryebashkiaku Pjerin Ndreu i shoqëruar dhe nga ministri i Drejtësisë Ulsi Manja inspektuan situatën e krijuar nga përmbytjet në zonën e Kolshit. Ndreu dhe Manja u ndalën dhe tek ura e shembur në lagjen ‘Koder Mulluri’ ku deklaruan se situata është nën kontroll dhe po monitorohet gjatë gjithë kohës nga strukturat shtetërore përfshirë dhe forcat e ushtrisë.
Ulsi Manja: Shërbimi Emergjencave Civile dhe ushtria është këtu Sasia e reshjeve që ka qenë dhe mendohet që të bie edhe në orët e natës është e paparashikueshme. Nuk kemi pasur dëme në njerëz dhe në pronat e qytetarëve. Janë orë dhe situata që duhet ët jemi të gjithë bashkë. Me natyrën nuk luftojmë dot. Është detyrë e bashkie dhe ushtrisë që tu gjendet në ndihmë qytetarëve, detyrë të cilën e kanë kryer si duhet.
Pjerin Ndreu: Kemi kontaktuar njerëzit. Jemi në kontakt të vazhdueshëm. Reshjet kanë rënë. Shpresojmë mos të kemi pasoja të rënda në vazhdim. Situata e reshjeve ka rënë. Uji në qytet po tërhiqet. Por punojnë të gjithë hidrovorët. Niveli i prurjeve ka rënë në lumin e Mantisë.
