TEPELENË– Gjykata e Shkallës së Parë në Gkirokastër ka caktuar masën e sigurisë “arrest me burg” për mësuesin Kleamth Laçi, i cili akuzohet se ka ngacmuar seksualisht dy nxënëse të mitura. Ai do të qëndrojë 40 ditë në paraburgim.
Mësuesi i fiskulturës Kleanth Laçi u dhunua në mënyrë barbare dy ditë më parë nga tre persona, dy prej të cilëve vëllezërit e dy vajzave që pretendojnë se janë ngacmuar seksualisht nga ai. Ata e kanë thirrur mësuesin në makinë dhe pasi ai ka hipur e kanë dhunuar duke e goditur në kokë e në fytyre ku mori dëmtime të shumta. Njëri prej autorëve u dorëzua vetë në polici. Alvi Gumeni ka thënë para oficerëve të policisë se ishte kthyer nga emigrimi pasi motra e kishte marrë në telefon dhe i ka kërkuar ndihmë pasi mësuesi e ngacmonte. Me tu kthyer në vend ai organizoi planin e “hakmarrjes” ndaj Laçit bashkë me vëllain e vajzës tjetër që pretendon se është ngacmuar, i cili u arrestua ditën e sotme. Ndërkohë ministria e Arsimit e ka pezulluar nga detyra Kleanth Laçin dhe nëse vërtetohen akuzat ndaj tij ai do të përjashtohet nga sistemi arsimor menjëherë.
