KORÇË– Një 36-vjeçar i idenrifikuar me inicialet E.H banues në fshatin Dardhas të Pogradecit është arrestuar nga policia pasi akuzohet për dhunë në familje.Ai ka dhunuar kunatën. Ndërsa një 28-vjeçar ka rënë në pranga pasi akuzohet për veprën penale “plagosje e lehtë me dashje”.
NJOFTIMI I POLICISË:
DVP Korçë/Vihet në pranga 1 shtetas dhe procedohen në gjendje të lirë 2 të tjerë, për vepra të ndryshme penale. Specialistët për Hetimin e Krimeve në Komisariatin e Policisë Pogradec arrestuan në flagrancë shtetasin E. H., 36 vjeç, banues në fshatin Dardhas, Pogradec, për veprën penale “Dhuna në familje”, pasi ka ushtruar dhunë fizike ndaj një shtetaseje (bashkëshortja e vëllait të tij). Po këta specialistë referuan materialet në Prokurori dhe filloi procedimi në gjendje të lirë për shtetasin L. B., 20 vjeç, banues në fshatin Çërravë, Pogradec, për veprën penale “Plagosja e lehtë me dashje”, pasi gjatë një konflikti në fshatin Çërravë, ka goditur një shtetas tjetër.
—
Specialistët për Hetimin e Krimeve të Komisariatit të Policisë Korçë referuan materialet në Prokurori dhe filloi procedimi në gjendje të lirë për shtetasin A. N., 39 vjeç, banues në Korçë, për veprën penale “Vjedhja”, pasi në lagjen nr. 8, Korçë, i ka vjedhur celularin, një shtetasi.
—
Më datë 20.01.2023, rreth orës 23:30, në fshatin Vranisht, Devoll, ka rënë zjarr në një ambient (kompleks stallash për bagëtitë), në pronësi të shtetasit P. P., 66 vjeç, banues në Korçë. Për pasojë, është djegur një kontenier dhe pajisjet e tij. Nga veprimet e para hetimore, dyshohet se zjarri ka rënë për shkaqe aksidentale. Materialet procedurale i kaluan prokurorive të rretheve gjyqësore Pogradec e Korçë, për veprime të mëtejshme.
