TIRANË– Kryetari i Partisë Demokratike Sali Berisha ka paralajmëruar mosnjohjen e zgjedhjeve të 14 majit. Në një komunik live nga Facebook me qytetarët kryedemokrati tha se nuk do të njohë asnjë proces zgjedhor të bazuar në votën e vjedhur.
Sali Berisha: Manipulimi i zgjedheve ka filluar masivisht dhe ne po e ndjekim me intensitet. Por ne qëndrojmë në vendimin tonë. Në mënyrë absolute do jetë përgjegjës dhe demokratë nuk do tolerojnë kurrë, nuk do njohin kurrë një proces zgjedhor të bazuar mbi votën e vjedhur. Shqiptarët duhet ta dinë se Edi Rama nuk ikën me votë. Se ky sot në këtë moment që flasim, narkoshtetin e tij e ka shndërruar në një makineri gjigante elektorale, që përdor tonelatat e narko-eurove, përdor makinerinë shtetërore, përdor gjithçka për të dhunuar votën e shqiptarëve. Përgjigjia është vetëm një: vetëm revolucion.
