Endri Meksi: Bastet sportive janë aty ku kanë qenë, ka policë të përfshirë

Endri Meksi, specialist IT dhe sipërmarrës, duke folur për bastet sportive dhe mbylljen e tyre, u shpreh se ato vazhdojnë ende aty ku kanë qenë, por janë pa logo.

Fjala ndërkombëtare do zëvendësoj fjalën e huaj. Besoj që këtë e ka pasur për të shmangur licencat në offshore, në Maltë, Qipro. Pse duhet licenca e dikujt nga jashtë, ligji aktual kërkon përvojën tënde në licencë.

Kompanitë shqiptare, them që mund ta përballojnë, që çke me të. Ashtu siç është shprehur deri tani është e paqartë. Kur thua bastet online, unë them që i lejonte edhe ligji aktual. Ka nene që thonë se ku duhet të jenë serverat. Bastet Online s’ishin të ndaluara. Ajo që unë kuptova është që s’do lejohen niptet sekondare. Ti hap pikë të re njofton AMLF dhe Tatimet. Retorika e 2018 cila ishte, obobo ajo pika aty. Janë ku kanë qenë, të njëjtat klube në mes të Tiranës që deri dje ishte me logo, sot janë pa logo. Luhet po aty, menaxheri i pikës, pronari, banakieri e bëjnë shoqërisht. Unë të marr user-in ty. Është një struc gjigant që të fshehë kokën duke thënë nuk e pashë.

Gjithashtu Meksi deklaroi se në këtë, ka edhe policë të përfshirë, nëse shtoi se kjo është si një luftë me mullinjtë e erës.

Polcia më e mërzitura nga legalizimi? Besoj se po. Nuk di asnjë polic me emër që ta akuzoja. Por që ndihet që ka bashkëpunim mes palëve kjo është e sigurt, se janë të njëjtat ambiente. Është shumë e vështirë të luftohet lojtari fundor në këtë procesi. Ai e ka në Whatsapp, ia vë bastin shoku i vet dhe ia con foton në Whatsapp. Ku do e gjesh nga erdhi, numri është blerë 10 mijë lekë te dollari. Kjo është një luftë si me mullinjtë e erës, e pamundur për ta mposhtur, e pamundur për ta kontrolluar. Problemi real që unë shoh është arkëtimi i lekëve. Nëse nuk gjendet një formulë e saktë tentativa për ta mposhtur të zezën do dështojë në një farë mase.

Nëse do ketë garë për licenca, do 45 ditë. E shoh të vështirë të kapet. Licencat sipas ligjit në fuqi i jep AMLF.

Unë do uroja që qeveria t’i vendoste një farë sistemimi ligjor. Do ishte mirë të shikohen 2-3 gjëra te ai ligj, për të përshtatur disa gjëra që kanë qenë hallkë pakënaqësie ndër vite. Qeveria do marrë edhe disa taksa më shumë në atë skenar. Humbja është vetëm zhurma asgjë tjetër.