TIRANË– Kryetari i Partisë Demokratike Sali Berisha gjatë një komunikimi live me qytetarët në Facebook u shpreh se përballja me regjimin që qeveris vendin është një betejë jetë a vdekje. Gjatë fjalës së tij kryedemokrati theksoi se opozita është e përgatitur për tu përballur me regjimin për votën e lirë dhe pluralizmin.
Sali Berisha: Opozita nuk ka fjalë dhe premtime pa fund. Opozita ka veprime. Po të ndjekësh procedurat, ato janë veprime për herë të parë në Shqipëri. Opozita ka organizuar edhe protesta që kanë rezonuar në Shqipëri dhe mbarë Europën. Por opozita e ka deklaruar se ky regjim nuk lejon votën e shqiptarëve. Në këtë kontekst, opozita është përgatitur për t’u përballur me këtë regjim. Kjo është një betejë për jetë a vdekje, për pluralizmin, për votën, për të gjitha. Unë kam bindjen se shqiptarët nuk do e pranojnë kurrë këtë gjë. Do i përgjigjen Edi Ramës me të cilat format që meriton për të mbrojtur pluralizmin, votën dhe demokracinë.
