DURRËS– Një plagosje me thikë është regjistruar pasditën e sotme në Durrës. Ngjarja ka ndodhur pranë stacionit të trenit dhe i plagosur ka mbetur një 38-vjeçar i identifikuar si Gazmir Gjuzi. Ai është transportuar menjëherë në spital ku ndodhet në kujdesin e bluzave të bardha dhe jashtë rrezikut për jetën. Plagosja ka ndodhur pas një konflikti të çastit. Autori Ardian Lupi 51 vjeç është arrestuar.
NJOFTIMI I POLICISË:
Durrës/Informacion paraprak
Plagosi me mjet prerës(thikë), një 38-vjeçar, gjatë një konflikti për motive të dobëta, kapet menjëherë nga shërbimet e Policisë dhe shoqërohet në Komisariatin e Policisë 51-vjecari.
Rreth orës 16;30, në vendin e quajtur “Stacioni i trenit”, në lagjen nr. 4 Durrës, dyshohet se gjatë një konflikti për motive të dobëta, midis shtetasit G. Gj., 38 vjeç dhe shtetasit A. L., 51 vjeç, është plagosur me mjet prerës (thikë), 38-vjeçari, i cili ndodhet në spital, nën kujdesin e mjekëve. Menjëherë, shërbimet e Policisë kanë mbërritur në vendngjarje dhe kanë shoqëruar në Komisariat, për veprime të mëtejshme, shtetasin A. L. Vijon puna për dokumentimin e plotë të kësaj ngjarjeje.
