DIBËR– Është zhbllokuar pas pesë orësh Rruga e Arbrit dhe qarkullimi i makinave ka nisur normalisht. Ka qenë ndërhyrja e tre borëpastrueseve dhe kriposja e rrugës ajo që ka “çliruar” makinat nga dëbora. Ndërkohë Policia e Shtetit u bën thirrje drejtuesve të mjeteve të vendosin gomat e dimrit dhe të përdorin zinxhirët.
NJOFTIMI I POLICISË:
Rihapet për qarkullimin e automjeteve aksi rrugor bypass-Qafë Murrizë-Klos, e cila u bllokua për shkak të reshjeve të dëborës. Qarkullimi i mjeteve ka vijuar normalisht dhe nuk ka mjete të bllokuara. Shërbimet e Policisë Rrugore janë në gadishmëri të plotë për menaxhimin e trafikut dhe apelojnë për drejtuesit e mjeteve të tregojnë kujdes të shtuar gjatë drejtimit të mjetit dhe mos të kryejnë manovra të rrezikshme në rrugë.
