TIRANË-Ish-deputeti Ervin Bushati është shprehur në emisionin “Stay Tunned” me moderatoren Valbona Mhilli se investimi më i gabuar i ish-kryeministrit Berisha është Lulzim Basha dhe se ai e ka bërë të veten në politikë dhe se duhet të dijë të largohet me nder nga fusha e lojës.
I pyetur se çfarë mendon për Veliajn, Bushati u përgjigj shkurt duke thënë: Të shohim si do i dalë investimi zotit Rama!
Bushati tha më tej se Meta duhet të ishte mirënjohës ndaj PS dhe se është një personazh që ka kapacitete, por jo aq sa mendon ai.
Për Bushatin, Rama duhet të kalojë në fazën e dytë, të bëhet burrë shteti dhe të ndërmarrë reformat që të ndryshojë Shqipërinë një herë e mirë.
Berisha bëri 2 mandate. Respekt Berishës, berishizmit jo. Berisha nuk i ka ditur të gjitha në moshën kur ka nisur politikën, është përpjekur të bëjë një gjë për Shqipërinë. Berisha e ka bërë të veten, duhet të dijë të largohet me nder nga fusha e lojës. Investimi i tij më i gabuar është Basha.
Të shohim si do i dalë investimi zotit Rama!
Meta ka pasur më shumë ambicie sesa kishte kapacitete. Duhet të ishte më mirënjohës. Ka kapacitete, por jo aq sa mendon.
Rama politikani më i zotë në Shqipëri, është karizmatik, është transformues, ka vizion, ka mbështetje, duhet të kalojë në fazën e dytë të bëhet burrë shteti, të ndryshojë Shqipërinë njëherë e mirë.
Këlliçi është djalë që e ka nisur në PD si drejtues i FRPD. I ka bërë hapat. Askush nuk duhet të katapultohet.
