TIRANË– Kjo javë ka nisur me ndryshime në disa komisariate të vendit. Mësohet se drejtuesit e komisariateve në Sarandë, Pogradec, Bilisht, Kavajë, Shkodër, komisariati nr. 2 Tiranë dhe Krujë kanë ndryshuar. Në komisariatin e Sarandës është emëruar Oltion Agolli, në Pogradec Klodian Kondi, në Shkodër Idriz Daulle, ndërsa në komisariati nr. 2 është emëruar Loard Sallaku.
Oltion Agolli i cili mbante detyrën e shefit të komisariatit të Pogradecit është emëruar shef komisariati në Sarandë. Agolli ka zëvëndësuar Klodian Kondin. Ndërsa Kreshnik Alimadhi është emëruar në drejtimin e Komisariatit të Devollit, duke zëvendësuar Besim Palamanin i cili po hetohet për shpërdorim detyre dhe është pezulluar disa ditë më parë nga detyra e shefit të komisariatit.
Lëvizja e Palamanit vjen pas dyshimeve se ka shpërdoruar detyrën duke lejuar prerjen e paligjshme të pyjeve, transportimin dhe tregtimin e lëndëve drusore për llogari të shtetasve të ndryshëm.
