DURRËS– Dy persona kanë rënë në prangat e policisë së Durrësit pasi akuzohen për vepra të ndryshme penale. Blutë e qytetit bregdetar bëjnë me dije se një 31-vjeçar i identifikuar me inicialet M.R ka rënë në prangat e policisë pasi pasë kontrollit të ushtruar në makinën me të cilën ai dhe shoku i tij lëviznin u gjet lëndë narkotike e llojit kanabis. Dhe në shtëpi iu gjet një sasi e vogël. Ndërsa një 63-vjeçar i identifikuar me inicialet M.N u vu në pranga pasi ka ushtruar dhunë ndaj bashkëshortes së tij dhe djalit 17-vjeçar.
NJOFTIMI I POLICISË:
Durrës/Vihen në pranga 2 shtetas dhe procedohet në gjëndje të lirë 1 tjetër, për vepra të ndryshme penale. Specialistët për Hetimin e Trafiqeve të Paligjshme dhe Narkotikëve të DVP Durrës arrestuan në flagrancë shtetasin M. R., 31 vjeç, banues në Durrës, si dhe referuan materialet në Prokurori dhe nisi procedimi në gjendje të lirë për shtetasin R. D., 29 vjeç, banues në Durrës. Gjatë kontrolleve të ushtruara në automjetin me të cilin lëviznin këta shtetas dhe në banesën e 31-vjeçarit, shërbimet e Policisë gjetën dhe sekuestruan sasi të vogla lënde të dyshuar narkotike kanabis.
Specialistët për Hetimin e Krimeve të Komisariatit të Policisë Durrës arrestuan në flagrancë shtetasin M. N., 63 vjeç, banues në Durrës, pasi ka ushtruar dhunë ndaj bashkëshortes së tij dhe djalit të tyre 17-vjeçar. Materialet procedurale i kaluan Prokurorisë pranë Gjykatës së Rrethit Gjyqësor Durrës, për veprime të mëtejshme.
