TIRANË– Gjashtë persona kanë rënë në prangat e policisë së Tiranës pasi akuzohen për vepra të ndryshme penale. Në njoftimin zyrtar blutë e Tiranës bëjnë me dije se dy persona janë arrestuar për dhunë në familje pasi kanë ushtruar dhunë ndaj bashkëshorteve të tyre. Konkretisht në pranga kanë rënë një 33-vjeçar i identifikuar me inicialet S.G dhe një 54-vjeçar i identifikuar me inicialet A.Q. Ndërsa katër të tjerë janë arrestuar pasi u kapën në flagrancë duke drejtuar mjetin në gjendje të dehur.
NJOFTIMI I POLICISË:
Tiranë/Vihen në pranga 6 shtetas, për vepra të ndryshme penale.
Specialistët për Hetimin e Krimeve të Komisariatit të Policisë Nr. 2 arrestuan shtetasin S. G., 33 vjeç, banues në Tiranë, pasi ka ushtruar dhunë ndaj bashkëshortes.
Specialistët për Hetimin e Krimeve të Komisariatit të Policisë Nr. 4 arrestuan shtetasin A. Q., 54 vjeç, banues në Tiranë, pasi ka ushtruar dhunë ndaj bashkëshortes.
Specialistët e Qarkullimit Rrugor arrestuan shtetasit:
– G. G., 56 vjeç, banues në Tiranë, pasi ka kundërshtuar punonjësit e Policisë, për kryerjen e testit të alkoolit;
– E. F., 45 vjeç dhe K. L., 23 vjeç, të dy banues në Tiranë, pasi u kapën duke drejtuar automjetet, nën efektin e alkoolit;
– F. B., 46 vjeçe, banuese në Tiranë, pasi duke drejtuar automjetin, nën efektin e alkoolit, është përplasur me një automjet tjetër. Si pasojë e përplasjes janë shkaktuar vetëm dëme materiale.
Materialet i kaluan Prokurorisë, për veprime të mëtejshme procedurale.
