ITALI– Një skenë filmash është regjistruar mbëmjen e djeshme në rrugët e Italisë. Bëhet fjaslë për katër shqiptarë që ishin futur në një banesë për të vjedhur për që plani i tyre jo vetënm që dështoi por nuk përfundoi aspak mirë. Në momentin që shqiptarët kishin hyrë në banesë për të vjedhur paratë dhe sendet me vlerë pronari i shtëpisë që ndodhej në një bar afër zonës pa nga kamerat e sigurisë atë që po ndodhte në shtëpinë e tij.
Në këtë moment ai u nis bashkë me dy shokët me të cilët ndodhej në bar për në shtëpi për tu përleshur me shqiptarët. Gjatë rrugës ai lajmëroi dhe Karabinerët por që mbërriti para tyre në banesë. Në këtë moment shqiptarët pikasën se plani i tyre nuk rezultoi i sukseshëm dhe u munduan të arratiseshin. Gjatë momentin të largimit ata plagosën mikun e pronarit të shtëpisë dhe u futen menjëherë në makinën me të cilën kishte ardhur, një “Audi Rs5 Coupe” ku i prisnin dy shokët.
Ata u larguan menjëherë por as italianët nuk e kishin vënë në plan që të dorëzohen dhe iu vunë nga pas me një makinë Ford Fieste. Gjatë momentin të ndjekjes makinat e tyre u përplasën. Tre nga shqiptarët që ishin brenda makinës ia arritën që të largoheshin me vrap ndërsa një 43-vjeçar identiteti i të cilit nuk është bërë i ditur u arrestua nga karabinerët. Mjeti ‘Audi’ rezultoi se kishte qenë gjithashtu i vjedhur. Tashmë, dëshmia e 43-vjeçarit pritet të zbardhë vendndodhjen e anëtarëve të tjerë të grupit.
