TIRANË– Policia e Tiranës ka vënë në pranga personin që ka kërcëenuar me jetë djalin e miur të kryeministrit Edi Rama. Bëhet me dije se Ivzi Hoxha është arrestuar tre ditë më parë për akuzën e “Kanosjes për shkak të detyrës”. Ivzi Hoxha, gjatë një emisioni televiziv kërcënoi me jetë djalin e mitur të kreut të qeverisë Edi Rama.
Hoxha deklaratat e rënda i bëri gjatë një proteste për shembjen e banesave në lagjen “5 Maji”. Në polici mësohet se është shprehur i penduar dhe ka thënë se ai kishte dalë për të drejtat e tijn dhe nuk kishte qëllim të kërcënonte kryeministrin apo familjen e tij. Prokuroria kishte kërkuar për të masën e sigurisë “Arrest në burg” me afat 15 ditor, por Gjykata e Tiranës caktoi ndaj tij masën e sigurisë “Arrest në shtëpi”.
