TIRANË– Mark Nika, xhaxhai i Aleks Nikës të vrarë në protestën e 21 janarit 2011 para Kryeministrisë ka zhvilluar një takim me kreu e Strukturës së Posaçme Kundër Korrupsionit dhe Krimit të Organizua (SPAK). Detajet për takimin me Altin Dumanin i ka bërë me dije vetë Nika, i cili i ka kërkuar Dumanit që dosja e 21 janarit dhe vrasjes së nipit të tij të tërhiqet në SPAK pasi nuk ka besim tek Prokuroria e Tiranës.
“Ne kërkojmë që dosja të hetohet në SPAK. Si familje s’kemi besim te Prokuroria e Tiranës. Ne duam që SPAK-u të tërheqë dosjen pasi i ka të gjitha mundësitë të kryejë një hetim objektiv,”– mësohet të ketë thënë Nika, sipas gazetares Klodiana Lala.
