ELBASAN– Prokurorët belg kanë mbërritur për të tretën herë në zyrat e Prokurorisë së Elbasanit për të marrë informacion lidhur me disa ngjarje kriminale që kanë ndodhur në Belgjikë ku janë përfshirë autorë nga Elbasani. Në maj 2021 tre hetues, së bashku me prokurorë dhe përfaqësues të ambasadës së Belgjikës në vendin tonë kryen takime intensive me zyrtarë të lartë të policisë dhe prokurorisë në Elbasan.
Fokusi dhe qëllimi i këtyre takimeve ka qenë mbledhja e informacioneve për Arjan Spahiun dhe aktivitetin e tij në Elbasan dhe jo vetëm, të cilat mund të çojnë në zbardhjen e motive të ekzekutimit të tij. Në prill të vitit të kaluar një tjetër grup mbërriti në Elbasan ku në fokus të diskutimeve ka qenë atentati ndaj Nuredin Dumanit mbrëmjen e 29 Janarit në zonën e Papërit dhe arrestimi i tij në Fier disa orë më vonë.
Mësohet se prokurorët belhë kanë kërkuar të dhëna që lidhen me të shkuarën e Nuredin Dumanit në mënyrë që të hedhin dritë mbi disa ngjarje që kanë ndodhur në të shkuarën dhe që ai është i përfshirë.
