TIRANË– Kryetari i Partisë Demokratike Sali Berisha ka “shënjestruar” sërish ditën e sotme ambasadoren e Shteteve të Bashkuara të Amerikës në Tiranë. Duke folur pas nënshkrimit të marrëveshjes me PBDNJ-në Berisha u ndal tek arrestimi i ish-agjentit të FBI-së, i cili rezulton të jetë mik me kryeministrin Rama kryedemokrati tha se diplomatja duhet të sqarojë deklaratat e saj.
Pyetje: Si e komentoni heshtjen e ambasadores Kim në Tiranë?
Sali Berisha: Hetimi do të jetë kompleks, pasi Oleg Deripaska ka arritur deri në statusin e investitorit strategjik në vend. Këtu ne nuk heqim dorë. Lidhur me zonjën Kim, dihet qëndrimi im ndaj saj, e i saj ndaj meje. Nuk mund të them se cili është roli i saj në aferën Rama-McGonigal, i takon drejtësisë së SHBA për të bërë hetimin e përgjithshëm. Unë nuk kam ndonjë…Ka vetëm një deklaratë që nëse i kujtohet i jam përgjigjur flakë për flakë. Në një nga intervistat e saj ajo shprehej se ka bërë hetime edhe FBI, në atë intervistë ajo që ka thënë atë që DASH nuk e ka thënë kurrë. Tani e di ajo nëse e përdori për të mbuluar gënjeshtrat e veta, apo çfarë është unë ia lë drejtësisë së SHBA.
