DURRËS– Një 25-vjeçar i identifikuar me inicialet A.S ka rënë në prangat e policisë së Durrësit pasi akuzohet se duke drejtuar mjetin ka aksidentuar një 45-vjeare, e cila ndodhet në spital ku po merr trajtim mjekësor. Po ashtu një 28-vjeçar i identifikuar me inicialet E.Ç është vënë nën hetim pasi ka aksidentuar një 13-vjeçar, i cili ndodhet në spital.
NJOFTIMI I POLICISË:
DVP Durrës/Vihet në pranga 1 shtetas dhe procedohen në gjendje të lirë 3 të tjerë, për vepra të ndryshme penale. Specialistët e Qarkullimit Rrugor të DVP Durrës: -arrestuan në flagrancë shtetasin A. S., 25 vjeç, banues në Kameras, Krujë, pasi në aksin rrugor “Fushë Krujë-Derven”, duke drejtuar automjetin, ka aksidentuar shtetasen V. B. (këmbësore), 45 vjeçe, banuese në Luz, Krujë. 45-vjeçarja ndodhet në spital, në kujdesin e mjekëve; -referuan materialet në Prokurori dhe nisi procedimi në gjendje të lirë për shtetasin E. Ç., 28 vjeç, banues në lagjen nr.1, Durrës, pasi në rrugën “Dëshmorët”, duke drejtuar automjetin, ka aksidentuar një 13-vjeçar që lëvizte me biçikletë. 13-vjeçari ndodhet në spital, në kujdesin e mjekëve;
-referuan materialet në Prokurori dhe nisi procedimi në gjendje të lirë për shtetasin E. T, 35 vjeç, banues në lagjen nr.13, Durrës, pasi në Shijak, duke drejtuar automjetin, ka aksidentuar shtetasen N. D. (këmbësore), 45 vjeçe, banuese në Shijak, e cila pasi mori asistencën mjekësore në spital, u largua në banesë. Specialistët për Hetimin e Krimeve të Komisariatit të Policisë Durrës referuan materialet në Prokurori dhe nisi procedimi në gjendje të lirë për shtetasin L. M., 40 vjeç, banues në lagjen nr. 17, Durrës, pasi dyshohet se ka ushtruar dhunë psikologjike ndaj ish-bashkëjetueses së tij. Materialet i kaluan Prokurorisë, për veprime të mëtejshme.
