TIRANË– Presidenti i Republikës Bajram Begaj ka pritur ditën e sotme në Presidencë anëtaren e re të Gjykatës Kushtetuese Holta Zaçaj. Në një ceremoni të posaçme Kreu i Shtetit i uroi suksese Zaçajt në detyrën e rëndësishme. Zaçaj do të zëvendësojë Vitore Tushën në Gjykatën Kushtetuese. Ajo mori gjashtë vota bashkë me kandidaten tjetër, Elsa Miho, ndërsa tre vota u shpallën të pavleshme.
POSTIMI I BEGAJT:
Sot, me ceremoninë e betimit të gjyqtares Holta Zaçaj u plotësua numri i gjykatësve të Gjykatës Kushtetuese. Inkurajoj profesionalizmin, pavarësinë dhe funksionalitetin e plotë të Gjykatës Kushtetuese të Republikës së Shqipërisë në funksion të realizimit të drejtësisë kushtetuese.
