TIRANË– Kryeministri Edi Rama ka folur për herë të parë në lidhje me arrestimin e ish-agjentit të FBI-së dhe akuza për një raport miqësor dhe përfitimi monetar mes të dyve. Në një komunikim me gazetarët pas përfundimit të mbledhjes që ai pati me drejtuesit politik të qarqeve në selinë rozë Rama u shpreh se nuk e ka mik pasi mik e konsideron një fjalë të madhë. Sipas tij fjalën mik e ka thënë në gjuhën angleze e ka ka pasur në kuptimin e një marrëdhëniejeje miqësore.
Edi Rama: Unë jam mësuar me këto gjëra, pse opozita merret me ne, me gjëra që ushqejnë qorrollepsjen e njerëzve, me gjysmë të vërteta. Jam i ngopur dhe i mbingopur me historira të tilla për krijimin e një klime ndasish. Më mirë të shpenzoj më shumë kohë për të bërë mëshumë punë për njerëzit, siç e keni parë, jam shumë i fokusuar tek puna e përditshme. Këtu është një klimë Big Brotheri, u gjëmojnë likeve e shareve.
Pyetje: Si u bëtë mik me ish-agjentin e FBI?
Edi Rama: Fjala mik është shumë e madhe…
Pyetje: E keni thënë ju zoti kryeministër
Edi Rama: Unë kam përdorur gjuhën angleze për natyrën e marrëdhënies, ‘friendly relation’, marrëdhëie miqësore. Por jo mik që unë kam ndarë jetën me të. Unë e kam takuar në zyrën e FBI-së, më ka prezantuar me kolegë, më ka dhënë dhe dhurata, kapele e ç’janë këto që në Big Brotherin politik u shfaqën si pajisje përgjimi. Ka ardhur dhe në Shqipëri. Jemi takuar, s’ka pasur asnjëherë ndonjë…interesi im ka qenë që të shkëmbej biseda e opinione lidhur me fushat ku ai ishte i nivelit të lartë, për korrupsionin.
