Aksidentoi për vdekje të moshuarin dhe u largua nga vendi i ngjarjes, arrestohet 58-vjeçari në Fier
Zbardhet aksidenti me vdekje i ndodhur 4 ditë më parë në aksin rrugor Fier-Vlorë, ku një automjet përplasi për vdekje një 70-vjeçar që udhëtonte me biçikletë dhe u largua nga vendi i ngjarjes.
Policia e Fierit bënë me dije se është identifikuar dhe arrestuar drejtuesi i mjetit, 58-vjeçari, Selam Çela.
“Në datën 02.11.2022, rreth orës 17:30, në aksin rrugor “Fier-Vlorë”, në fshatin Ferras, shtetasi S. Ç., 58 vjeç, banues në Kraps, Fier, duke drejtuar automjetin tip “Benz”, ka aksidentuar me pasojë vdekje, shtetasin Y. T., 70 vjeç, banues në fshatin Fitore, i cili ka qënë duke lëvizur me biçikletë. Pas aksidentit, shtetasi S. Ç. është larguar nga vendngjarja.”, bëjnë me dije burimet zyrtare.
