ITALI– Detaje të reja kanë dalë në dritë nga mega-aksioni i Eurojust dhe Europol në bashkëpunim me Guardia di Finanza në Itali dhe policinë shqiptare. Nga aksioni u sekuestruan 4 milionë euro ndërsa u lëshuan 43 urdhër arreste mes tyre dhe shqiptarë. Në videon e publikuar nga mediat italiane shihet dhe momenti i finalizimit të operacionit. Ky grup kriminal operonte në tregun europian në trafikimin e kokainës, heroinës, marijuanës dhe hashashit.
Hetimet, të drejtuara nga prokuroria e Bergamos dhe nga autoritetet shqiptare, u kryen nga forcat e Shërbimit Qendror të Hetimit të Krimit të Organizuar (SCICO) dhe njësisë së policisë ekonomike dhe financiare të Brescias të Guardia di Finanza në Itali, Shqipëri dhe të tjera vende evropiane. Janë 119 persona të arrestuar gjatë gjithë operacionit dhe 26 persona janë raportuar të lirë. Falë operacionit janë zbuluar dhe janë sekuestruar 2 rafineri dhe 15 kilogramë heroinë, 2 sera dhe 411 bimë marijuanë (plus 129 kilogramë droga të tjera), 121 kilogramë kokainë dhe 92 kilogramë hashash, por edhe 22 automjete dhe 1 pistoletë.
