TIRANË– Kryetari i Grupit Parlamentar i Partisë Socialiste Taulant Balla ka mohuar akuzat e kreut të Partisë Demokratike Sali Berisha për përfshirjen e kryeministrit Edi Rama në hetimin e drejtësisë amerikane për çështjen e ish-agjentit të FBI-së Charles McGonigal. Nga salla e Kuvendit Balla u shpreh se ndaj Ramës nuk ka pasur asnjë akuzë për përfshirje në shkelje kriminale.
Taulant Balla: Sa i përket kërkesës që u prezantua me dhunë, nuk bazohet në rregulloren e Kuvendit. Kjo është një farsë mediatike për të shmangur atë që po ndodh me lojën ruse në PD. Vjen në një moment që del me faktet e 21 janarit. Çështja që i referohet non grata po hetohet nga drejtësia, kanë përfunduar. Flitet për një mik dhe të zotit Berisha se vijnë nga e njëjta zonë dhe njihen me njëri tjetrin. Drejtësia amerikane ka 0 akuza ndaj Ramës apo ndaj anëtarit të Qeverisë,nuk evidenton asnjë shkelje kriminale. Propozoj rrëzimin me votë të kësaj kërkese.
