TIRANË– Kuvendi i Shqipërisë me kërkesë të Partisë Socialiste ka përjashtuar ditën e sotme me 10 ditë nga punimet e Kuvendit kryetarin e Partisë Demokratikëe Sali Berisha dhe deputetët Flamur Noka, Belind Këlliçi, Edmond Spaho dhe Edi Paloka. Masa disiplinore u kërkua pas bllokimit të foltores së Kuvendit në seancën e djeshme.
Ditën e djeshme pas tensioneve të shkaktuara në seancë ku kreu i PD Sali Berisha bllokoi foltoren dhe punimet e seancës kryeparlamentarja Lindita Nikolla përjashtoi vetëm Berishën. Por ditën e sotme u kërkua masë disiplinore dhe për katër deputetët të tjerë.
