TIRANË– Ka dështuar sërish përballja e të penduarit të drejtësisë Luftar Reçi me Emiljano Shullazin dhe grupin e të pandehurve tjerë për vrasjen e Vajdin Lames e Klodian Saliut. Kjo është hera e tretë që kjo përballja nuk finalizohet. Këtë herë bëhet me dije se shkak ka qenë një problem shëndetësor që Reçi ka pasur.
Në dy seancat e mëparshme shkak ishte bërë mungesa e gjyqtares Etleva Deda pasi ndodhet prej ditësh e shtruar në spital. Gjykata e Posaçme caktoi një tjetër gjyqtare, Flora Hajradinaj, por pavarësisht kësaj në nisje të seancës u konstatua mungesa e Luftar Reçit. Avokati ka deklaruar se gjendja shëndetësore e të pandehurit paraqitet delikate.
