VLORË– Tre persona kanë rënë në prangat e policisë së Vlorës ditën e sotme pasi akuzohen për vepra të ndryshme penale. Në njoftimin e bërë publik për mediat blutë e Vlorës bëjnë me dije se një 21-vjeçar i identifikuar me inicialet M.M është arrestuar pasi pas kontrollit të ushtruar në banesë nga efektivët është gjetur një sasi lënde narkotike e llojit kanabis. Ndërsa një 54-vjeçar i identifikuar me inicialet A.L është vënë në pranga pasi akuzohet për vjedhje të energjisë elektrike dhe për këtë vepër penale ishte dënuar me 2 muaj burg nga gjykata në vitin 2020. Ndërkohë një 68-vjeçar i identiffikuar me inicialet H.M është vënë në pranga pasi u kap në flagrancë duke drejtuar mjetin në gjendje të dehur.
NJOFTIMI I POLICISË:
DVP Vlorë/Vihen në pranga 3 shtetas, për vepra të ndryshme penale. Specialistët e Seksionit për Hetimin e Trafiqeve të Paligjshme dhe Narkotikëve të DVP Vlorë arrestuan në flagrancë shtetasin M. M., 21 vjeç, banues në Vlorë, pasi gjatë kontrollit të ushtruar nga shërbimet e Policisë, në banesën e tij, u gjet dhe u sekuestrua një sasi lënde e dyshuar narkotike kanabis. Nga specialistët për Hetimin e Krimeve në Komisariatin e Policisë Vlorë u kap dhe u ndalua shtetasi A. L., 54 vjeç, banues në Vlorë, pasi Gjykata e Shkallës së Parë Vlorë, me vendimin e datës 12.02.2020, e ka dënuar me 2 muaj burgim, për vjedhje të energjisë elektrike. Nga specialistët e Qarkullimit Rrugor në DVP Vlorë u bë arrestimi në flagrancë i shtetasit H. M., 68 vjeç, banues në Vlorë, pasi u konstatua nga shërbimet e Policisë, duke drejtuar automjetin, në gjëndje të dehur. Materialet procedurale iu referuan Prokurorisë, për veprime të mëtejshme.
