GRAMSH– Policia ka bërë të mundur arrestimin e autorit të ngjarjes së rëndë në fshatin Tervol të Gramshit. 75-vjeçari është Xhavit Sinani vënë në pranga pak minuta pas krimit. Arratisja e tij merr fund.
Xhavit Sinani ekzekutoi me armën e gjahut gruan e tij të identifikuar me inicialet Xh.S dhe vëllanë Shaqir Sinanin. Pas krimit të rëndë ai ka marrë në telefon fëmijët dhe i ka vënë në dijeni të krimit të kryer. Në telefon ai u ka thënë atyre se ka vrarë mamanë dhe xhaxhanë dhe më pas ka mbyllur telefonin dhe është arratisur. Nuk dihet ende arsyeja e krimit të rëndë.
