GRAMSH– Detaje të reja janë zbardhur nga krimi në familje në Gramsh ku Xhevit Sinani vrau gruan e tij Zegjine Sinani dhe vëllanë Shaqir Sinani. Sipas policisë ai gruan dhe të vëllanë nuk i ka ekzekutuar me armën e gjahut siç u raportua në fillim por i ka goditur me sëpatë. Në fillim ai ka vrarë gruan e tij në oborrin e shtëpisë ku e ka goditur me sëpatë disa herë prapa kohës. Më pas ka dalë nga shtëpia e tij dhe ka shkuar tek i vëllai që banon ngjitur dhe e ka goditur disa herë në kokë gjatë kohës që ky i fundit ndodhej në vreshtën e rrushit.
Pas krimit të rëndë ai ka telefonuar fëmijët dhe i ka vënë në dijeni për krimin e kryer. Në telefonatën që ka zgjatur pak sekonda ai u ka thënë atyre se ka vrarë me mamanë dhe xhaxhanë dhe më pas e ka mbyllur telefonin.
Ngjarja e rëndë ka ndodhur pasditen e sotme në fshatin Tervol të Gramshit. Viktima, Shaqir Sinani ishte pjesë e grupit të fyejve të Gramshit. Nga martesa e tyre Xhevit dhe Zegjine Sinani kishin 7 fëmijë, 5 djem dhe 2 vajza. Sipas familajrët ajo kishte probleme nervore dhe kurohej prej shumë kohësh. Pa ngjarjes Xheviti ka shkuar tek shtëpia e krushqve dhe aty i ka marrë fëmijët në telefon. Më pas është vënë në pranga nga policia. Ai tani ndodhet në komisariat dhe po merret në pyetje. Deri më tani dyshohet se ai vuan nga probleme të shëndetit mendor.
NJOFTIMI I POLICISË:
Paraprakisht dyshohet se në fshatin Tervol të Njësisë Aimistrative.Pishaj, ka ndodhur një krim i dyfishtë në familje. Dyshohet se shtetasi Xh. S, rreth 75 vjeç, ka vrarë bashkëshorten Z.S dhe vëllanë Sh.S. Shërbimet e Policisë, falë reagimit në kohë kanë kapur në këto momente autorin e krimit të dyfishtë . Dyshohet se shtetasi Xhevit Sinani rreth 75 vjeç, dyshohet se ka vrare me sende të forta bashkeshorten Zeqine Sinani dhe vellane e tij Shaqir Sinani.
